Lil John Terry

Nifhmek, jiddispjaċik.

Jien niddejjaq nitlef il-penalties fil-5-a-side ta' nhar ta' Tnejn, tlift wieħed xi sentejn ilu u qatt ma tħajjart nagħmel wiċċi biex nixxutjah jien minn dakinhar.

Naturalment, jekk qed titħallas il-belli liri li taqilgħu int u l-kollegi tal-futbol Ingliż, u fuq dahrek qed issostni t-tamiet ta' eluf ta' nies mhux biss f'Londra iżda fid-dinja kollha - trid u ma tridx, dak il-penalty huwa responsabbilta' li jkollok tpoġġi fuq dahrek.

U dik il-faxxa li għandek marbuta ma' idejk, cap'n, titqal b'piż ieħor.

Jien inżomm ma' l-Arsenal. Is-snobs ta' Chelsea, tal-punent ta' Londra, ma tantx inniżżilhom. Bħal ma nniżżilx lil dawk ta' Manchester, tal-United prinċipalment, is-City inżomm magħhom fi żmien id-derby biss. Iżda dik il-finali rajtha xorta, bħala spettatur mhux daqshekk interessat, anke għax kulma seta jikkompeti kien CSI fuq l-Italia 1, u dak xi darba nistgħu nġibuh DVD.

Ma ħadtx gost nara lil Ferdinand jerfa' it-tazza. Suppost kellek terfagħha int, għallinqas skond dawk li jemmnu fil-ġustizzja. Dik iż-żelqa ma kellekx xi tridha, jew aħjar, ix-xitan reġa deffes denbu fl-aktar mument li fih seta baqa d-dar quddiem it-TV bħalma konna aħna lkoll.

Iddispjaċieni, nara lis-sinjorina Ronaldo bit-tazza f'idha, wara logħba mimsusa b'dribblings arroganti, waqgħat fil-vojt li anqas Maggie tas-Simpsons m'hi kapaċi taqa', u penalty mogħti bl-istess pass ta' xwejjaħ qed jissara biex jitla' fuq karozza tal-linja Maltija, dawk bl-istaffa għolja.

Nifhmek, jiddispjaċik.

Jibqa' il-fatt li fl-Ingilterra, players tal-grinta ta' Terry ftit ser issib. U mhux fl-Ingilterra biss. Meta nsemmi lil Terry qed inpoġġieħ fil-keffa ta' nies li jagħtu kollox għall-klabb tagħhom, għas-supporters, u li għal ebda raġuni m'huma ser jitilqu biex jilagħbu x'imkien ieħor. Il-keffa ta' Maldini, Totti, Franco Baresi, Tony Adams, Gerrard, nistgħu ngħidu Del Piero wkoll.

U daqs kemm tħassart lilek, JT, tħassart lil Avram Grant.

Fi żmien li kienu jilagħbu Van Basten u Rijkaard, coach li jiġi t-tieni fil-kampjonat u f'żewġ tazzi oħra ma kienx jitkeċċa fl-aħħar tas-sena. Anzi kienu jiċċelebraw. Sacchi kien se jwaqqagħna għan-nejk dak iż-żmien u Berlusconi żammu xorta - u ġiet xita ta' tazzi.

Illum le. Kollox mill-ħaġra għat-tajn. Mourinho jitkeċċa wara xahar u nofs minn staġun ġdida. Jidħol floki coach Lhudi ħabib ta' president Russu, bla esperjenza ta' xejn iwassal team għall-finali tac-Champions League u kważi jirbaħha. Jasal it-tieni fil-kampjonat u jibqgħu jissaraw mal-Manchester United sa l-aħħar logħba. Minn dalgħodu, Avram Grant qed jirreġistra l-ETC.

Mancini, coach antipatku u arroganti, li rebbaħ league (tnejn) lill-Inter wara nuqqas ta' kważi tmintax-il sena (minn żmien Klinsmann). Dil-ġimgħa hemm imnejn jitlef xogħlu. U oħrajn taħt pressjoni kbira: Rijkaard. Schuster rebaħ league iżda ħadd ma jridu.

Ms Ronaldo sadattant qed tħares lejn ħamsin miljun ewro biex titlaq il-Manchester United u tmur mar-Real Madrid. L-Inter iridu jixtru lil kulħadd. Il-Milan iridu lil Ronaldinho u ma jafux x'se jagħmlu bih. Hleb irid jitlaq b'xejn mit-team li għamlu nies.

U le. Tuni lura l-football taż-żmien. Tuni l-goals ta' Massaro u l-akrobaziji ta' Van Basten f'Goteborg. Tuni lil Careca u Maradona, lil Aldair u Sebino Nela, lil Seaman, Dixon, Adams, Bould u Winterburn. Is-saves ta' Schmeichel u d-Danimarka li tirbaħ il-kampjonati ewropej.

Illum we got Cesc Fabregas u kif qal Gonzi (Adidas??) Impossible is Nothing. Imbagħad Take it to the Next Level.

Qażżiżtu kull m'hawn.

Dalwaqt

"Qed tibda tħossok xi ftit għajjien?"

Kellu raġun. Is-sala li kont fiha, bajda karti, kienet qed tibda tiddallam bil-mod, u mixħut fuq is-sodda kif kont b'wiċċi 'l fuq, kelli għajnejja miftuħin beraħ. Bdejt inħosshom jingħalqu. Ma kellix saħħa niġġieled mal-loppju.

"Issa, iva" weġibtu. "Narakom għal xi s-siegħa, l-aħwa..."

U ġie kollox dlam ċappa.

* * *

Għadni sa llum ma nafx fuqhiex ser nikteb. U ġraw ħafna ħwejjeġ. Terremot fiċ-Ċina. It-Taljani tilfu showgirl kbira, Annamaria Franzoni, li spiċċat il-ħabs (wara ħafna logħob). Ġejjin l-Olimpiadi u se jkun hemm Pistorius. Ġej il-Euro 2008 u mhux se jkun hemm l-Ingliżi. L-Inter rebħu league, Ronaldo reġa tqażżeż biex ta biċċa penalty u Terry żelaq meta l-aktar kellu bżonn jibqa fuq żewġ saqajn.

Ġie l-Eurovision u ma kienx hemm Malta.

Eh, bilħaqq, il-Eurovision. Minn dakinhar li ġab punt wieħed biss Faniello, ma rġajniex tfaċċajna 'l hemm fuq. Grace Borg probabbli għadha ma waqfitx titbissem. U dan Robert Abela, li jixbaħ ħafna lil David Bowie iżda jifhem fil-mużika daqs kemm jien nifhem fl-ornitoloġija, għadu ma jafx x'laqtu.

Għalissa, mhux ser ninfexx fi kritika la tal-bord tal-Maltasong, la tal-kantanta (li qas kellha ċans tagħmel xi ħaġa ħażina) u lanqas ta' dawk kollha li ibda minn Montesin, kompli fil-kru ta' Xarabank, u spiċċa f'tax-xagħar u tad-dwiefer, sena wara sena qed jitfaċċaw bħala "l-kontinġent Malti".

Kif jgħid Beppe Grillo, vaffanculo.

Dalwaqt tisimgħu mingħandi. Kemmxejn aktar edukat minn Beppe, iżda beħsiebni naqta xi ftit jien ukoll. Issa wasal iż-żmien.