It-Tieġ ta' Alessandro

Din hija l-ewwel quddiesa wara kważi sena sħiħa.

Lanqas is-sħana, u r-riħ isfel iqatta' ta' dan is-Sibt ta' Awwissu Malti li tani ftit iktar minn Lulju ma żammni milli mmurha, din il-quddiesa.

Fil-kalma tal-Knisja ta' Santa Marija, Birkirkara, bdew jaslu bil-mod in-nies. Il-knisja żgħira, magħmula mill-ġebel, xejn m'għandha x'taqsam mal-mostru li hemm imsemmi għal Santa Liena. Konna nimxu lejn dawn it-toroq fiż-żmien li konna mmorru San Alwiġi, u naqbdu l-karozza tal-linja lejn il-Belt, l-iktar fi żmien l-eżamijiet meta Karmnu ma kienx jiġi għalina bil-vann.

Wasalt fil-ħin, għal darba. Qed nara lil Lara u lil Tony resqin mill-bogħod, u magħhom hemm il-figura familjari, twila, ta' Jean Pierre. U, bħalma jiġrili kważi f'kull tieġ, insib quddiemi l-karozza tal-miżżewġa.

Romina kienet ilha titbissem ġurnata sħiħa, u niżlet mill-karozza (wara r-ritratti tas-soltu) b'daħka minn widna sa widna. Ma ttihiex tort.

Sieħbi Alessandro rajtu mill-bogħod, bilwieqfa ħdejn l-artal. Sibt posti ħdejn Lara u Tony, u Joe Zerafa. Xi pjaċir, l-antiki tal-JP reġgħu ltaqgħu. Quddiemna, wara ftit, ġie jpoġġi Josef. U issa għaqqadnieha, għax Jonny daħal (tard) u anke l-Gabz.

* * *

Il-wegħda, Romina u Alessandro, għamluha bit-Taljan. Huwa Sqalli, hi Maltija li titkellem Franċiż eċċellenti. L-imħabba m'għandhiex ilsna.

* * *

Din il-mixja twila li twasslek mid-daħla sa ma tasal fil-milja tal-Phoenicia Bastions diġa mxejtha, b'ħafna anqas allegrija, xahar ilu. Did-darba, jien u l-Gabz qed nidħku u nimsħu l-għaraq minn ma' xbinna, nisħtu xortina li m'hawnx żiffa u li t-triq għad fadlilha.

Waqt ir-riċeviment bdejt inħossni qisni mort lura b'sena. Cari Fottutissimi amici, kemm ħassejtni bogħod mill-ironija tagħkom. Issa erġajt qed induqha, għax ħadtu fost affarijiet oħra, spunt mill-ħwejjeġ u miż-żarbun (saħansitra l-fotografu ried rikordju tiegħu), biex biċ-ċajt tagħkom tfakkruni li għadkom l-istess ta' żmien.

Bejn vodka u ieħor (għamlu doppju, mill-ewwel) dħakna u ċċaċrajna. Il-ħin qed itir. Alessandro għadu kif iżżewweġ u għadna ma dorniex waħda sew miegħu.

Fuq ċinta żgħira, bogħod mill-istorbju ta' Jean u Raphael, qed ngħid kelma bejn tnejn. Jien u ħabibti Becky, wara tant żmien. Wara ftit, bil-platt f'idejh, poġġa Kurt, l-għarus tagħha. Lanqas lissen kelma, u ma nafx kienx qed jisma lilna.

Tazza nbid u sigarett wara l-ikel. Toni l-Babu (Tony Tony għal min jisma l-Bay) beda jqajjem ftit il-mużika. Alessandro e Romina, aprite le danze.

Ma kinitx kelma.

* * *

Saru s-siegħa w xi ħaġa ta' filgħodu. Żfinna (jew ippruvajna), xrobna, dħakna, erfajna lil Ale, bisna lil Romina, għamilna ċ-ċirku, imbagħad il-ferrovija, imbagħad xi żewġ ritratti li aħjar ma nuruhom lil ħadd, aktar ċajt. U ġie n-ngħas.

Il-mixja 'l barra mill-Phoenicia dejjem tidher iqsar milli tkun fil-bidu. Minn fost il-ġgajta nies li konna, xi ħadd staqsa, Imma kif dejjem aħna nitilqu l-aħħar?

Lil Alessandro stajt narah mill-bogħod, jirkeb fil-karozza li ser tieħdu lejn il-ħajja l-ġdida.

Ir-ritratti tista' tarahom hawnhekk.

Kartolina lil Ale u Romina

Eh gia, carissimi. Come passa il tempo!

Alessandro: Ironia ed insulti apparte, qualcosa da te l'ho imparata in tutto questo tempo. La tranquillita' nella vita e una virtu rara, che non viene concessa a tutti. Io, la mia l'ho persa qualche annetto fa, forse per colpa del mio entusiasmo, o della voglia di far bene di fronte a gente nuova.

La tua tranquillita e rimasta, forte ed intera, anche perche, l'hai sempre sventolata alla faccia di tutti. Quello che fai in privato, poi, non e mai stato affar' nostro, tranne forse il gatto che scoreggia o il benedetto Tilelayer che ti dava buona ragione di bestemmiare un pochino. Che per altro, si dice, fa bene all'anima se fatto in piccole quantita.

Abbi cura della Romina, sara una grande moglie per te, e sono sicuro che vi aspetta un futuro roseo. E non sara altrimenti...

Romina: sei una grande signora!! Prenditi cura di lui, se possibile, non fargli fare troppi straordinari!!

Buona fortuna e, come si dice, figli maschi!

Wayne
22/8/07

Klassifika tat-Tgħajjir?

Fil-kamra jew aħjar, kmamar minn fejn joħorġu l-aħbarijiet sportivi tat-Times ta' Londra dan l-aħħar donnhom qed jieħdu ftit gost mhux ħażin. Jew inbidel xi manager, jew għamlulhom dispensers ta' l-ilma ġodda. Jew forsi għamlu toilets ġodda.

Sabiex jiftħu Awwissu, xi erba' min-nies ta' din l-uffiċċju intefgħu jgħaddu żmienhom jiġbru l-agħar ħamsin tgħajjira tad-dinja ta' l-isport. U marru lura sabiex ġabru frażijiet mill-bidu tas-seklu l-ieħor (numru 26) u saħansitra minn Oscar Wilde (numru 50).

Hawn biex togħxa, b'din il-klassifika, għax minbarra insulti fuq il-kapaċita ta' min qed jilgħab (ara numru 9, dwar Carlton Palmer) issib xi tnejn ironiċi bil-familji tan-nies.

Per eżempju:

8 "I should've kept my legs together, Fred."
"So should your mother.".

F'din il-klassifika nsibu wkoll kummenti dwar wieħed mill-atturi favoriti tiegħi, Vinnie Jones, li fiż-żmien kien futboller ta' Wimbledon u li llum sab karriera ferm aktar adattata bħala attur vjolenti fil-films ta' Guy Ritchie. Fin-naħat ta' fuq tal-klassifika nsibu wkoll frażijiet bħal: Kif inhuma l-mara u t-tfal? Il-mara orrajt, it-tfal ritardati.

Ir-rebbieħ ta' din il-klassifika semi-nobbli huwa, s'intendi, bniedem li l-edukazzjoni qatt ma jinsieha fuq il-kommodina: Marco Materazzi.

Kulħadd jiftakar id-daqqa ta' ras li qala Materazzi mingħand Zidane fil-finali tat-Tazza tad-Dinja fl-2006, madwar sena ilu. Ħadd ma jiftakar, iżda, u ħadd għadu ma skopra, x'qal eżatt (ie kelma b'kelma) lil Zidane sabiex tah daqqa ta' ras u ramieh metru bogħod minnu.

Huwa propju għalhekk li Materazzi rebaħ din il-klassifika: mhux fuq li qal, iżda fuq li ġralu.

U ovvjament it-Taljani qamu u qajmu agħa kbir magħhom: Il Times Insulta Materazzi kien wieħed mit-titli li qrajt. Ħeqq, tinsewx li Materazzi huwa l-kampjun ta' l-aplomb Taljan, il-bniedem li fuqu jinbena l-prinċipju ta' l-edukazzjoni Ġiżwita, daqsxejn bħall-Mahatma Gandhi tal-futbol. X'fettillhom, tat-Times, jattakkawh b'dan il-mod? Mischinetto!

* * *

Relax, chill wieġbuhom mill-uffiċċju tat-Times.

Fish and chips, Rory?