Il-Kaxxa

Il-gear ta' Akwa li kien tani Klaus tal-Foster Clark's. Ahmar bil-linji suwed u sofor, gie f'idejja ghax l-Angola ghaddew ghall-World Cup u allura se jbieghu aktar pakketti tat-trab tal-laring.

Il-gemel zghir li kien gabli Michael, iz-zghir ta' Raphael, mit-Tunisija. Ghamel sena fuq il-monitor, jaqa kull darba li jifthu l-bieb tal-gallarija.

In-notepad li kien tana l-Piscopo, fil-Milied, li tghidx kemm gejt bzonnha.

Kopja tal-ligi tal-Mandati, li kont ghamilt lejl nahdem fuqu. Fuq il-linja, kienu t-tmienja u nofs ta' bil lejl, niftakar lil Fiona tippanikkja ghax lil Karm ma kienx ser joghgbu x-xoghol.

Zewg envelopes bojod. Karti kontra karti. Xi proposals antiki li kont ghamilt.

Ir-ritratt ta' Janine. Becky ma kinitx tahmlu. Janine sabiha wisq. Il-hmerija hi li, tezisti u hi pjuttost dhulija.

Kopja ta' l-FS3. Payslips u karti ta' hafna numri.

Illum zarmajt dak li kien ghad fadal fl-ufficcju. Nhar it-Tlieta se nibda n-naha l-ohra. X'ghafsa ta' qalb, din il-kaxxa tal-kartun li qed ingorr mieghi lejn id-dar. Illejla, se johorguni biex niccelebraw. Ha nibdew mill-Muddy's, ghax hemm inhossni home. Fejn nispiccaw... Alla biss jaf.

Kolonja (4)

Is-Sibt filghaxija ergajna nzilna hdejn ir-Rhein. L-ewwel bar li sibna jaghti lemha lil Huggins, ta' Paceville. Hasra li anqas biss dhalna. Malli dahal l-ewwel wiehed minna, is-sid hareg minn wara l-bar, u minghajr ma dam jiflina, kecciena b'mossa ta' idejh li xejn ma hmilt.

In-naha l-ohra, fil-Mediaplatz, kienu qed idoqqu l-Motorhead. Imma biex immorru narawhom kien boghod wisq (rajniehom, tnejn minnhom, fil-hotel taghna fil-hamsa ta' filghodu).

It-tieni bar li sibna kien ta' wiehed Sqalli li mill-ewwel laqaghna. Bla nkwiet ta' xejn. Hadna birra li qatt ma konna doqna qabel, il-Heineken jisimha ghandijkun, dik tal- flixkun ahdar u tikketta hadra bi stilla fin-nofs.

Wara hrigna npejpu sigarett hdejn ix-xmara fejn rajna ghexerien ta' koppji zghazagh ipejpuha. U mbaghad imxejna lejn birrerija fejn kien dehrilna li rajna hafna tfajliet.

* * *

Fit-tlieta ta' filghodu nfetah il-bieb il-kbir, dak ta' wara, u minghajr garr jew protesti, in-nies hargu kollha 'l barra. Ahna morna nieklu xi haga ta' malajr, niftkarni bid-dmugh f'ghajnejja nixrob l-ilma minhabba li l-kebab li hadt kien jahraq nar.

Fil-hamsa ta' filghodu konna qed naghmlu pipi wara l-Kattidral. Il-Kattidral kien l-uniku haga li kien hemm x'tara f'Kolonja, hlief ghall-ufficcji tad-Deutsche Post (fejn kont intlift is-sibt filghodu).

Ahna u ghaddejjin minn quddiem il-Hilton, fejn kien hemm reqdin dik il-kantanta Maltija u l-manager taghha, infexxejna nghajtu, nahseb biex inqajmuhom. Ovvjament, hadd ma xiref mit-tieqa. U, minhabba li ma konniex qeghdin f'nofs il-Birgu, konna qed nistiednu l-inkwiet li norqdu f'xi kamra minn tal-Polizei.

* * *

Il-Palestinjan kien ilu jhares lejna bl-ikrah xi siegha u nofs. Kju twil ta' nies u hadd ma ta kasna, hlief ghal dan ir-ragel. It-tifel tieghu ckejken kien riekeb fuq it-trolley tal-bagalji, ghajjien mejjet. Debbie qaltilna li Schumacher kien ghadu kif rebah il-GP ta' l-Ungerija. Sadattant, fl-ajruport ta' Frankfurt kien hemm storbju kontinwu, jidwi go mohhok, bhal meta xi hadd zewg bibien 'l isfel minn darek ikun qed isammar, jew jobrox, jew ihabbat, u wara kwarta tidrah.

Kultant, dan l-imbierek Palestinjan kien ihares lejna, donnu mahsud, forsi ghax rana strambi jew ghax bdejna nidhku zzejjed. Jien wahhalt fil-hwejjeg tas-Serp. U wara ftit indunajt li kien l-apparat li beda jgorr mieghu Kurt li kien qed jinkwetah.

Kurt ukoll induna. Ta' brikkun, dar lejna, u b'timer isfar f'idejh, qalilna "Jekk naghmel il-bomba ghat-tmienja tajjeb?" Ahna nfqajna nidhku, il-Palestinjan instaram u beda jittawwal lejn il-basket kollu wires u imbarazz li kien qed igorr Kurt. Wara ftit minuti zewg suldati gew jippassiggaw hdejna, daru tnejn madwarna bla ma ghamlu mistoqsijiet. Ta l-X Rays kienu hafna aktar kurjuzi.

Debbie u Ivan kellhom kollox organizzat. Ftiehmu mal-manager tal-mitjar biex inkunu nistghu nqabbzu bicca mill-kju. Viva l-gitarri li konna qed ingorru maghna.

Ivan dar fuq l-ohrajn u qallhom, "Ha ntih CD lil dan ukoll..."

"Stenna ftit sakemm naslu," qal xi hadd.

Il-Bobby tella' siequ fuq it-trolley li kellu quddiemu, mejjel ruhu ftit 'il quddiem u bid-dahka fuq wiccu kkwotalu frazi minn diska ta' Chris de Burgh, "Don't Pay the Ferryman..."

Ivan kompliehielu: "Until he takes you to the other side".

* * *

Kelli riha t'gharaq hafifa li kienet qed iddejjaqni. Malli wasalt fil-kamra tieghi, xghelt il-komputer, ftaht l-eMule, u nizzilt Don't Pay the Ferryman. Hekk jew hekk, issa wasalna.

Kolonja (3)

Il-bufura rih li haslet lil dak il-Germaniz dahhkitna mhux ftit. Imma ma domniex ma nibdew nishtuha. Bla ma naf xi stajt nghid, jew nahseb, qghadt nosserva lill-Winter Moods iduru qishom zugraga mifxula fic-changing room li tawna tad-WDR. Hin minnhom poggew, ilkoll bilqieghda fuq bank ta' l-injam, jieklu c-cikkulata u l-gheneb, li tawna tad-WDR ukoll. Bdew iharsu lejn xulxin (barra s-Serp li baqa' bin-nuccali) u stajt tara id-dizappunt miktub fuq wicchom b'ittri majjuskoli.

Ivan kien l-iktar wiehed li tatu gewwa din tar-rih. "Ilna tant nahdmu biex nigu ndoqqu hawn"... dazgur, komplejt f'mohhi, biex ifottili kollox ir-rih lanqas Alla ma jrid. Hin minnhom hareg bl-idea li jdoqqu go Hard Rock Cafe. Mhux idea hazina, kieku.

Biex nghaddu z-zmien pejjipna sigarett wara l-iehor, u xrobna birra fuq birra, u kafe fuq kafe, u kultant nghaddu xi kumment fuq xi persunagg jew iehor. Kurt rega mar in-naha l-ohra tal-Mediaplatz ilesti s-sound.

Ta' l-A3FM bdew icempluli minn Malta ghall-kollegament. X'kollegament, l-angli? Hawnhekk tlajna biex naraw it-tined jixxejru mar-rih. Lanqas il-Beer Festival ta' Farsons.

Wara ftit regghet fegget Anja. B'Ingliz naqa mfarrak tarrfet lil Ivan li setghu jaghmlu s-soundcheck, avolja dan ma fissirx li kien se jsir il-Festival. Fuq Ivan dehret nofs tbissima. Ghall-erwieh, bdejt nisthajlu jghid.

Soundcheck. Xita hafifa. Tlajna u giddimna Mars ohra (hawnhekk, kellna ninsew il-ftira u l-pastizzi) u fis-sebgha ta' filghaxija setghu jibdew idoqqu.

Daqqew donnhom qed idoqqu f'Malta, qisu xejn m'hu xejn. Rilassati. Jitbissmu. Is-Serp gennen erba' tfajliet ta' madwar sbatax-il sena li kienu qed jaqbzu quddiem il-palk. Ara dawn ukoll. Gew sitt irgiel mill-Isla u qed igennu folla f'Kolonja. Bil-familji b'kollox, kulhadd icapcap.

Sadattant, Arthur Caruana, DJ minn Bormla li dak iz-zmien kien kollega tieghi l-A3FM, kien mieghi fuq il-linja tal-mobile ta' Debbie. U avolja ma fhimtx akka minn dak li saqsieni, bdejt nghidlu li mistaghgbin kemm sejrin tajjeb. U ma kontx qed inharref.

* * *

Il-birra Germaniza qatt ma nizlitli ghasel daqs dak il-hin. Regghet bdiet tqattar ix-xita u ma tajniex kasha. Konna nofsna fis-sakra (nehhi lil Ivan u 'l Debbie, s'intendi) u kien ghadu l-hin. L-istaff tad-WDR donnhom iggustawna. Hareg mit-tinda Volkan, li jkanta ma' band Torka jsimha Orange Blue. Birra ohra. U sadattant, f'tinda qribna, kien hemm il-London Beat.

Kont iltqajt ma' wiehed minnhom fil-lift tas-Savoy dakinhar u m'gharaftux. Hsibtu turist Gamajkan, bhalma hu hasibni xi turist Awstrijakk ta' bla kliem u bla sliem.

U l-Hajta qallu "jien u l-mara, fi zmienna, konna nohorgu u fin-nightclubs kienu dejjem idoqqu dik id-diska taghkom... I've - Been - Thinking About You".

ikompli

Kolonja (2)

"Schumacher... fittxu lil Schumacher. Malli tarawh taghrfuh."

Imma l-Germanja kulhadd twil, u bejn wiehed u iehor ma tvantx tvarja l-espressjoni li jkollhom. F'nofs Dusseldorf, bdejt inhares lejn kull min kellu geddumu gej forma ta' sink, imma ebda minnhom ma kien ix-Xumaker li kellu jilqaghna.

Ivan, li kien jafu minn wiccu, lemhu, u mill-ewwel ghajjatlu. "Sibnieh!" smajtu jghid fost elf lehen iehor. X'hin harist lejn Schumacher indunajt li ma kellu x'jaqsam xejn ma dak li naraw fuq it-television jahsel lil ta' madwaru bix-xampanja.

Schumi hadilna b'idejna, u mxejna warajh lejn il-kowc li kienet qed tistenniena. Is-sewwieq nizel u tana daqqa t'id bil-bagalji, kwazi kwazi aqqas halliena niccaqalqu minn fuq il-bankina biex naghtu sehemna. Tlajna fuq il-kowc u konna qisna tal-muzew. Ivan u Debbie bilqieghda hdejn id-driver, jitparlaw u jiccacraw max-Schumacher. U ahna fuq wara. Jien, l-itwal wiehed, kont bilqieghda fuq il-bank ta' wara nett, fin-nofs, biex saqajja ikollhom fejn joqoghdu. Hdejja kien hemm il-Hajta, li ma setax jemmen li kelli biss wiehed u ghoxrin sena. Melvin kien bilqieghda xxamplat fil-bank ta' quddiemna fuq il-lemin, u fuq tax-xellug, bid-discman f'widnejh kien hemm il-Bobby. Is-Serp insejt fejn kien bilqieghda, u nahseb li James kien bilqieghda fis-seat ta' quddiem il-Bobby.

Ghalkemm kont qed nghaddiha fil-kowc ma' dawn l-irgiel, kont qed immut ghal sigarett. U nahseb anke l-ohrajn kienu se jibdew jilaghbu b'subghajhom. Ghamilna siegha nparlaw u nitnejku. Is-Serp faqqa xi tnejn minn tieghu. Il-Hajta jidhak bih kemm jiflah. Il-Bobby ma kien qed jisma' xejn minn dak li kien qed jinghad.

* * *

Dakinhar kilna xi haga hafifa minghand hanut ta' l-ikel Tork li kien hemm kantuniera mal-hotel. Kienet zona ta' Kolonja fejn, jekk tghajjat 'Omer' kienet tirrispondik triq shiha. Bhal donnok qed tghajjat 'Wenzu' fil-misrah tal-Birgu, jew 'Bastjan' fil-misrah ta' Hal Qormi. Dahal tifel zghir u ma setax jiftah il-bott tal-Coke li kien ghadu kif xtara. Wara xi ftit sarar, is-Serp irnexxielu jiftahulu (minghajr ma jahsel lil kull min kien fil-hanut).

Siegha wara konna fil-Mediaplatz. Pjazza enormi mdawra b'bini gholi fuq kull naha. Ma kienx hemm xi hafna x'tara, u fil-fatt mill-ewwel intfajna nharsu lejn zewg tfajliet li kienu hemmhekk ma' wahda mill-artisti l-ohrajn. Sakemm qed niggustawhom taghmel bufura rih qawwija. L-ilma li kien hemm migbur fuq wahda mit-tined tar kollu ghal fuq technician Germaniz u dan, f'daqqa wahda, sab ruhu mahsul minn fuq s'isfel. Min jaf kemm dagha f'qalbu, imma dak il-hin ra lil zewg kollegi tieghu jitmellhu bih u ma kellux ghazla hlief jidhakha hu wkoll.

Imma r-rih kompla jzid. U ftit wara dehret Anja, li tahdem mar-radju WDR, (organizzatur ta' dan l-avveniment) u qaltilna li minn Bochum, madwar 45 kilometru boghod minna, kien hemm avviz ta' tornado.

Ivan hass rasu ddur daqsxejn bih. Hares lejn martu u lejn is-sema. Ma kienx temp sabih, aqqas xejn.

(ikompli)

Kolonja (1)

Ix-xemx qatt ma titla' f'din il-belt. Il-griz iserrep kullimkien. Donnha minjatura ta' Brussell fejn in-nies jitkellmu bil-Germaniz. Il-bicca Rhein li tghaddi minn dil-belt qisha xmara ta' ilma qieghed. X'nervi ta' temp...

Qomt is-sibt filghodu fit-tmienja u nofs. Ma nafx ghalfejn, meta ma norqodx f'sodti dejjem inqum kmieni. Is-sinus dejjaqni ftit bil-lejl. Wara dawk is-sigaretti kollha fil-Mediaplatz messni stennejtha. Imma r-raqda kienet komda. Is-sodda baxxa, b'kutra tal-fur li kelli hajra nehodha mieghi lura Malta. Il-Greatest Hits ta' Sheryl Crow kien ghadu qed idur fl-istereo zghir li kien hemm hdejn il-frigobar. Kienet ghaddejja Leaving Las Vegas. Il-kamra, ghalkemm zghira, kien fiha kulma trid, sahansitra kopja tal-ktieb tal-Buddha Siddharta. Li ma kontx daqshekk ghajjien bix-xorb kont nithajjar naqra kapitlu, jew tnejn.

Tharrikt mis-sodda, u ftaht it-tieqa. Kollox griz. Shab gholi, shab baxx. Umdita. Fil-blokk ta' faccata kien hemm mara ta' madwar hamsin qed tahsel is-sink tal-kcina. Tas-sular ta' fuqha kellhom TV bis-satellita. Is-Savoy Hotel, fejn konna ahna, qeghda f'nofs il-kwartier Tork ta' Kolonja. U Ivan kien qalilna l-Gimgha filghaxija, qabel ma hrigna, biex noqoghdu attenti ghax dik mhux zona sabiha. B'dik il-birra kollha li kellna go fina, mhux difficli biex naghmlu xi wahda.

Hadt shower. Kien hemm pressa ta' ilma li thajrek taghmel siegha shiha fis-shower. Kont ghadni ma gejtx f'tieghi ghal kollox, izda xorta wahda hrigt, ixxuttajt, ilbist is-soltu jeans u s-soltu t-shirt ta' Homer Simpson, u tlaqt lejn is-sular ta' isfel nett ghall-breakfast. Malli hrigt sibt il-cleaner, li dehret pjuttost zghira, u saqsietni jekk tistax tidhol tnaddaf il-kamra. Bin-naqa Germaniz li kont niftakar (ja u danke) ghedtilha "Iva, grazzi."

X'hin wasalt isfel rajt li l-ohrajn kienu diga qamu. Friski bhal hassa, bis-sigarett f'idejhom u bil-furketta fl-ohra.

Ma' l-imwejjed l-ohra, kien hemm kwazi n-nies kollha li rajna lejliet u li min jaf kemm konna dhakna bihom. U b'xi mod jew iehor tinduna li qed josservawk huma wkoll, u min jaf kemm kienu dahku bina, meta rawna ghall-ewwel darba fir-reception nigbru c-cwievet tal-kmamar taghna.

Sadattant, bin-nofs sturdament jaghmel bija, bdejt biex ninfexx fil-yoghurt tal-frawli. Ivan u Debbie tfaccaw.

Via Crucis (ergo, Derby della Madonnina)

Taghna kienu hemmhekk, armati u storbjuzi. Din id-darba, avolja kienet il-Gimgha l-Kbira, hadmulha sa tard bil-lejl. U fl-ahhar deher, enormi, jghatti il-Curva. Banner bit-tema ta' Dante, li ma konna noholmu bih anqas fi zmien meta Diego Abandantuono kien jilbes ta' xitan u fl-attakk kellna lic-cinju ta' Utrecht, l-eroj ta' dejjem, Marco Van Basten.

"E che trofeo già mai non veda questa perduta gente in nerazzurra maglia, ma che di scherno e delusione sia sempre preda". U wara, biex inizzlu id-daqqa fil-fond, kitbulhom "La vera commedia siete voi".

Taghhom l-anqas biss dahlu l-ground. Kulma marru kienu xi elfejn ruh, imxebbghin sal-ponta ta' imnehirhom, u marru biex isaffru u jbossu lil plejers. Lanqas il-president Moratti ma mar jaraha l-ground il-loghba. Ara taghna mar, avolja denbu taht il-blata minhabba l-elezzjoni. Imma taghna ihobb jidher. Jekk ikun hemm tieg irid ikun il-qassis. Jekk ikun hemm funeral irid ikun il-mejjet. Jekk hemm programm fit-TV irid icempel biex jghid tieghu.

Hdejja, mimdud fuq is-sodda tieghi bil-friex kemmxejn imharbat, kien hemm missieri. Ma nafx kif hrigtlu Milanist. Forsi ghax, l-ahhar darba li l-Inter hadu xi haga ta' siwi kelli biss sitt snin, u kellhom tliet Germanizi jilaghbu maghhom. Il-Germanizi qatt ma hmilthom hafna, jien.

Jien kont bilqieghda fuq is-siggu tal-computer, li mieghi ra hafna loghbiet tal-Milan u sema anke xi ftit tal-kliem pastaz. Kultant jehlu ma rasi nies bhal Kaladze. Fiz-zmien kellna lil nies bhal Helveg, u Giunti, u N'Gotty. Kultant anke Inzaghi jinzerta jqabbizhieli. U kultant nibda nitlob lil Ancelotti biex jaqla lil Seedorf ghax "qazzizni jilghab hekk illum". Imma dak is-siggu ferah mieghi ukoll. Kemm-il derby, u kemm-il rebha. Anke dik meta tajna tlieta lil Juve, dis-sena.

Waqt id-derby xi ftit jew wisq dejjem nispicca nizbel fuq xi haga jew ohra. Kif ghidt qabel il-loghba, dawn in-nies (i.e. l-Inter) huma "l-aghar razza ta' nies fil-football." Ovvjament, din hija iperbole barra minn lokha, ghax minbarra missieri, ghandi hafna hbieb kbar tieghi li huma interisti. Niftakar f' siehbi Joe Tanti, kollega ta' mitt avventura, u niftakar f'Alistair, li mieghu rajt l-ahhar derby li tlifna 3-2 u hlift li mhux se nerga nara derby iehor barra minn kamarti.

Dahlu it-tnejn u ghoxrin fil-ground, u meta rajt lir-referee hadt qatgha. U l-Inter hargu bis-sikkina bejn snienhom, lesti biex iqattghu. Adriano deher li ried. Stankovic deher f'tieghu. F'nofs il-ground poggewlna tliet players biex ikissrulna l-loghob ta' Pirlo u Seedorf. Gattuso ma zzommu b'xejn imma.

Fl-ewwel nofsiegha kulma kellna kienet harba ta' Cafu minn fuq Burdisso. X'hin Gilardino tefghu gholi bir-ras tghidx kif gdimt idejja. Ghax, wara kollox, kienet il-Gimgha l-Kbira. Huma ppruvaw ukoll. Dida harablu darba u ghal naqa ma pattiex. Figo harab wahda tajba lil Maldini u ghal naqa ma ghamlux Stankovic. Missieri kien se jghajjat "Gowl", imma wehel fil-G. U l-lizar beda jitharbat aktar.

U l-Inter bdew inaqqsu l-pressing. Nesta u Kaladze kienu qed ifakkruni f'Baresi u Costacurta fl-aqwa taghhom. Adriano ma baqax irid daqshekk. Pirlo beda jmiss il-ballun bil-mod. U lejn l-ahhar ta' l-ewwel half ergajt gdimt idejja ghax Materazzi, l-aktar plejer ahdar li ghandhom l-Inter, nizzel lil Gilardino darbtejn, darba minnhom fil-kaxxa. Gholejt minn fuq is-siggu, u b'disprezz werzaqt xi haga lejn it-television. Missieri dahakha.

Fil-half time inzilt fil-kcina, sahhant it-torta bit-tonn taz-zejt li kienet lestiet ommi (nizlet ghasel, Ma) u tlajt nikolha fuq. Fil-kamra tieghi, biex nikkoncentra fuq id-derby waqt li l-Multiplus beda juri r-riklami tas-soltu. U ta' wiehed minnhom ma harigx kif suppost.

Fit-tieni half qomna fuq taghna. Missieri rega gie jimtedd, kien ghadu bin-nofs dahka fuq wiccu. U malajr marret. Seedorf zelaq quddiem il-goaler, hu u niezel ixxuttja xorta u ghal naqa ma dahalx. Imbaghad il-goaler taghhom hareg ghall-friefet, gie ghand Shevchenko u Cordoba imbutta l-ballun minn fuq il-linja. Bla ma ndunajt sibt ruhi nigdem il-vertical blinds li kelli hdejja. Qatt ma hmilthom dawk il-blinds u issa li naf x'toghma fihom qtajtha li nnehhihom.

Huma kellhom wiehed b'Figo. Tefghu barra bir-ras. Dak kont naghmlu jien. Missieri rega' wehel fil-G.

U fl-ahhar sibnieh. Cross li gie ghand Kaladze. Materazzi zelaq fil-kaxxa. Allegorija ghall-istagun ta' l-Inter. Ggant kbir u ikrah li jizloq fejn u meta mhux suppost. Kaladze zammu sew, u faqqa' xutt jahraq. Bix-xellug. U jien ghollejt il-ponn tal-lemin.

Iva, sewwa rajt. Dahal. Il-Kaladz. X'goal ghamel. Aqqas Shevchenko.

Huma ppruvaw xi darbtejn. Imma aktar ghax hawwad Dida milli ghax stinkaw huma. Adriano aqqas deher. Stankovic baqa jipprova. U hin minnhom ta ballun bit-takkuna li mar barra mill-ewwel. U qomt minn fuq is-siggu ncapcap kemm niflah.

Fl-ahhar spiccat il-Via Crucis ta' l-Inter. L-elfejn ruh li kien hemm baqghu jsaffru lil Zanetti u shabu. Mancini tilef is-setting ta' xaghru.

Ghall-erwieh, hsibt. Sadattant, missieri qam minn fuq is-sodda, illixja ftit il-lizar, u hareg b'nofs dahka minn gol-kamra.

L.

L. kultant nahseb li tghix fis-shab, tant li ghandha wahda ghaliha. Jekk tkun ser taqa d-dinja ma nahsibx li tersqilha, forsi ghax ma tindunax fil-hin.

L. hija tfajla gustuza. Ghandha zmien ftit inqas minni. Xagharha isfar u ghajnejha blu cari. Fis-snin tmenin kienet tkun kantanta famuza, bl-istess wicc bhall-kantanti l-ohrajn ta' dik l-epoka. Ghandha lehen helu hafna, u niehu gost titkellem maghha fuq it-telephone. Thobb tidhak, mid-dehra joghgobha s-sarkazmu tieghi. Avolja hafna drabi ma nghid xejn specjali.

L. tghix fuq sigra niexfa fid-dezert. L-istess dezert li tad-diska Horse With No Name ta' America ("There were trees and birds and rocks and things..."). Minn fuq din is-sigra tara kulma hemm madwarha jinbidel, u tahseb fil-fond, tinkwieta, biex tara x'se ikun il-pass li jmiss. Il-hmerija hi li, hafna drabi meta tkun fuq sigra fid-dezert, dak kollu li tara ma jkun xejn hlief miragg.

L. kultant thares l'isfel mis-sigra u thossha tibza mill-gholi. Tghix fuq is-sigra niexfa, mhux ghax tippreferi l-arja pura, imma ghax bellghuhiela li fl-gholi tghix ahjar. Ommha, li meta kienet ghadha xebba kellha l-lussu ta' hafna kunjomijiet (xi demm nobbli, milli nista' nifhem), aktarx kienet wahda minn dawk li jemmnu li, min jghix fuq is-sigar huwa ahjar minn dawk li jghixu mat-triq.

L. harset lejja b'harsa mifxula. Id-daqqa zghira li ghandha fuq imnehirha giet tidher ftit aktar. Kwazi kerrhet wiccha, il-bjuda tal-wardiet tkemmxet ftit. Ix-xahar ta' ghajnejha tmejjel ftit ukoll. Xufftejha ghamlu l-forma tal-kelma "eh?".

L. regghet ma fehmithiex, hsibt bejni u bejn ruhi. Hallieha. Xi darba tasal wehidha. Ghalxejn insus warajha.

L. dawret wiccha lejn il-computer, kitbet xi haga u regghet hassritha. It-tbissima regghet fegget fuq wiccha. "I'm making coffee. How do you take yours?"

Granet Twal

Ser nitlaq mill-JP. Ghadni sa issa ma nafx x'qed jigri. Ghazla bhal din, difficli biex taghmilha. Specjalment jekk tahdem f'post fejn meta tidhol filghodu ma ssib lil hadd - hadd - li tiddejjaq tara wiccu.

Dalghodu kont fil-kamra l-kbira, la stanza dell'oro, kif inhobb insejhilha jien. Id-direttur tieghi rega saqsieni l-ghalfejn iddecidejt li nitlaq. "Ma nafx x'laqtek," qalli bi tbissima li ma gibditnix daqs dawk tas-soltu. Forsi ghax it-ton tad-domanda kien dimess, mhux inkoragganti bhas-soltu.

U jien stess ghadni ma nistax nispjegalu. Il-but, iva, dak dejjem jitkellem. Huma offrewli biex nibqa. Offrewli tajjeb. Bhal donnhom l-Arsenal, joffru somma li rari joholmu, biex izommu lil Henry. Mhux ghax jien tajjeb daqs Henry, m'ghandix dik il-heffa, dik it-teknika, dik il-perfezzjoni estetika bejn velocita u sfond. Izda fir-rwol taghna, it-tnejn li ahna, minkejja l-boghod li hemm bejnietna, jien u Henry konna noholqu l-problemi jekk niccaqalqu.

Apprezzajtu hafna dak l-isforz li ghamlu, id-direttur u l-manager tieghi. Izda kont ili ntella' u nnizzel xahar shih, kultant ma norqodx. U ladarba ghamilt l-ghazla tieghi... ghall-miktub ma hemmx kunsill.

Il-klienti ghadhom ma jafu b'xejn. Jibqghu icempluli, b'xi kanna l'hinn u b'xi kanna l'hawn, u jien nidhkilhom u nghidilhom 'Iva, mela le mghallem...'. Ghadni ma nafx kif ser jehduha, l-ahbar it-tajba, li suppost ser intihielhom nhar it-Tnejn, li jigi l-ghada ta' l-Ghid. X'daqsxejn ta' sorpriza hallielna l-Flask, ser jghidu f'qalbhom.

* * *

Illum filghodu sibt nipparkja ftit aktar l'isfel mis-soltu. Fi triq ma' genb l-ufficcju taghna hemm blokk flats, fit-tieni sular jghix wiehed daqsxejn imtektek (il-kollegi tieghi li ghandhom certu livell ta' inglizati jiddeskrivuh bhala 'he's more there, than here') u din il-gimgha fettillu johrog iwaddab il-gebel mit-tieqa tieghu. U laqat Ka. Il-Ka hija ta' wahda, ex-habiba tieghi, li tahdem f'showroom tal-karozzi ftit aktar 'l isfel minn dan il-blokk flats.

Jien u miexi lejn l-ufficcju rajt skjera shiha ta' gebel fuq hogor it-tieqa ta' sehibna li aktar qieghed maghhom milli maghna. Izda il-purtiera kienet maghluqa kollha, ma jmurx jidhol xi xaqq ta' dawl. Ghax inkella, johrog, jidghi tnejn, jhedded lil xi hadd invizibbli, u jerga' jibda jwaddab il-gebel ghal isfel. Ma jmurx jolqotli l-Clio. Imbaghad mur oqghod b'daqqa bhal dik fuq il-bonnet.

Wasalt lejn il-lift, ghafast il-buttuna il-hamra bhalma naghmel kull filghodu, u bhas-soltu, fl-istorbju li jaghmel, qghadt nistennieh niezel. Tas-Sunday Circle ghandhom l-istess imghallem, izda lift hafna isbah. Bil-mirja fuq kull naha. Nahseb idumu iharsu lejhom infushom zmien, kwazi kwazi jitolbu li jmur id-dawl biex iduru naqra maghhom infushom. U jien, harist lejja innifsi f'dik il-mera, u hsibt fl-ohrajn.

Becky, li saret qisha ohti z-zghira (jew il-kbira, skond il-kaz). Alessandro. Mark. James (l-artist). Il-Bjank. Il-Mizzi. Iz-Zee. Il-Fabri. Rose. Danielle. Il-Gove. Ser jisparixxu kollha, dalwaqt.

U jien, sadattant, ghadni ma nafx x'laqatni.